Kur në kohë pandemie karriget e stadiumeve, përpiqemi ti mbushim me audio të regjistruara të tifozëve duket krejt e natyrshme që edhe punën e kameramanit tia lëmë algoritmeve të avancuara të 2020.
Logjika njerzore ama ende nuk është hackuar. Nocioni përforcohet nga episodi më i fundit i dështimit të inteligjencës artificiale e cila ngatërron topin me kokën qerose të arbitrit.
Ngjarja qesharake është regjistruar gjatë një ndeshje futbolli midis skuadrave skoceze Inverness FC dhe AYR United. Skuadra e parë kishte vendosur të ofronte një live streaming me një kamera të pajisur me A.I për të ndjekur topin.
Por makineritë nuk kanë logjikën humane dhe ndaj edhe skuadra u bë gazi i botës, kur sistemi automatik ngatërronte topin me tullën e shëndritshme të trajnerit anësor.
Episodi u përsërit vazhdimisht gjatë ndeshjes aq sa komentatorit iu desh të kërkonte ndjesë, ndërsa disa fansa janë ankuar se nuk mundën ta shihnin ndjeshjen si duhet për shkak të defektit.
Algoritmi me siguri duhet të ripunohet, njerëzimi ama mbetet ende i pamposhtur.
