Ëndrra janë, bën vaki edhe dalin. Një ëndërr më vete të shihje se si ajka e luksit Britanik, prodhuesi i automjeteve Rolls–Royce, prezantoi pak vite më parë Cullinam SUV.
Ëndërr edhe koncepti i Abimelec Arellano, i cili një mjet të tillë kaq masiv nuk e ka fare të vështirë ta imagjinojë si një monster truck gati për apokalips.
Tek renderat e tij, artisti e ka pajisur Cullinam me një zgarë hekuri përpara për ta ruajtur nga përplasjet, prozhektorë të mëdhenj dhe një ngritje të pazakontë prej sistemit të supozuar të suspensionit të nevojshëm.
E bashkë me të do të duhej edhe një mbrojtëse e poshtme për motorrin V12 6.7litër.
Jo se të vetat nuk janë të mëdha, por këto rrota masive për borë duket sikur mund të shkelin mbi çdo mal e greminë.
Sipas designerit, super mjeti duhet të ketë edhe prapa drita por edhe një prapakolp mbrojtëse për dy marmitat.
Një koncept i çmendur e me shumë mundësi i pamundur, gjykuar nga historia puritane e kompanisë, por garazhe të çmendura ka kudo nëpër botë, ndaj ku i dihet se kujt pasionanti automjetesh i del përpara ky koncept.
