Loja e shumëpritur u shty tashmë siç e dimë për në dhjetor, por smartphoni i stilizuar do të vijë në kohë.
OnePlus 8T Cyberpunk 2077 do të vijë këtë të hënë në 2 nëntor.
Ai pritet të ketë një kombinim të ngjyrave simbolike të videolojës, gri dhe verdhë, nëpër të gjithë trupin e tij dhe ndërfaqja gjithashtu do të marrë elementë të cilët mbeten për t’u zbuluar.
Gunga katrore e kamerave do të jetë më e madhe për të inkorporuar “2077” për një pamje edhe më të veçantë. Por sidoqoftë nuk pritet që kamerat të ndryshojnë nga 8T standart.
Edhe aspektet e tjera të performancës janë po të njejtat, Snapdragon 865, 12GB RAM dhe 256GB hapësirë, e gjithashtu ekran OLED 120Hz.
Cyberpunk 2077 do të vijë në dhjetor në Xbox, Playstation, Windows, dhe Google Stadia.
