Ende pa dalë loja dhe fansat e Assassin’s Creed shpërblehen me sende të stilizuara pas edicionit më të fundit Valhalla. Për të veshur në trup por edhe në këmbë.
Kjo mund të zhgënjejë ndonjë fans të çmendur por nuk bëhet fjalë për çizme super të trasha e guna me lëkurë kafshësh për t’i bërë ballë të ftohtit nordik.
Në bashkëpunim me Reebok, Ubisoft ka sjellë tre variante atletesh “frymëzuar nga dritat e veriut”.
Praktikisht ato janë tre palë atletesh me simbole të lojë. Dy palë kanë simbolin e Eivor, korbin Synin dhe pala tjetër simbolin e vetë lojës me dy sëpatat kokëposhtë.
Një design krejt i thjeshtë e klasik, stilizimi është përqëndruar më shumë tek kombinimi i ngjyrave.
Së bashku me to kompanitë kanë prezantuar edhe disa bluza me kapuç, çorape dhe një kapele, të disponueshme nga 7 nëntori.
