Meshkujt që kanë një rol mesatar në një kompani janë shumë më pak të kënaqur me jetën e tyre sesa meshkujt në role të ulët ose të lartë, siç mësohet nga një studim i ri. Studiuesit nga Shkolla e Menaxhimit të SP Jain London i përshkruajnë këta burra si ‘të mesmit e mjerë’.
Megjithatë, studimi i tyre nuk gjeti një lidhje midis statusit profesional dhe kënaqësisë nga jeta tek gratë. Ky problem shkaktohet nga burra që nuk kanë qenë kurrë në role drejtuese të larta ose të ulta, shpjegoi profesori Yannis Georgelli, i cili drejtoi studimin.
Në studimin e tyre, ekipi u përpoq të kuptonte nëse ka apo jo një lidhje midis statusit profesional dhe kënaqësisë nga jeta. Ata morën në pyetje 13,500 njerëz nga e gjithë Mbretëria e Bashkuar, të cilët u anketuan gjatë 20 viteve. Pjesëmarrësve iu kërkua të vlerësonin kënaqësinë e tyre nga jeta në një shkallë nga një deri në shtatë, ndërsa statusi i tyre profesional u mat sipas një shkalle standarde. Rezultatet zbuluan se meshkujt në që kishin një rol të mesëm në kompani ishin më të pakënaqur.
“Ne zbuluam se burrat e ngecur në punë mediokre ishin më të mjerët dhe se lëvizshmëria profesionale është çelësi për kënaqësinë e jetës për ata burra,” tha profesori Georgellis.
Studiuesit e krahasojnë këtë model me efektin ‘Medalisti i Argjendtë’. Kjo përshkruan se si njerëzit që fitojnë medalje të argjendta në garat sportive janë më pak të lumtur, pasi e krahasojnë veten me fituesit e medaljeve të arta. Në të kundërt, fituesit e medaljes së bronzit janë më të lumtur sepse mund të marrin në konsideratë alternativën që mund të mos merrnin fare një medalje.
Në përgjithësi, kënaqësia e jetës tek gratë ishte më pak e varur nga statusi i tyre i punës. Megjithatë, ky nuk ishte rasti për gratë më të arsimuara. “Me rritjen e shkallës së arsimimit të grave, i cili tani tejkalon atë të burrave, statusi profesional duket se do të luajë një rol shumë më të madh në mirëqenien e të gjithë punëtorëve,” shtoi profesori Georgellis.
