Dikush mund të thotë se Huawei është drejt fundit, por smartphoni më i fundit i tyre flet totalisht tjetër gjë. Ekran më i madh, rezolucion më i mirë, karikim më i shpejtë dhe sigurisht një kamera e pakonkurueshme nga askush në treg.
E nisim me armën kryesore të tij; kamera.
Sensori kryesor është rritur nga 40MP në 50MP. Ajo arrin të filmojë në 4K në 60 fps por edhe klipe slow motion në 1080p në 480 fps dhe 3,840 fps në 720p. PO e lexove mirë, aq frames për sekondë sa mund të filmosh edhe një fishek duke dalë nga pistoleta.
Kamera Cine ka një sensor 20MP dhe një kënd të ultra të gjerë dhe është kamera e parë në një smartphone për të hequr karskteristikat e distortionit. Periskopi 125mm rikthehet tek sensori tjetër 12MP dhe kësaj here arrin deri në 5x zmadhim ndryshe nga 3x i paraardhësit.
Në ndryshim nga standarti versioni Pro arrin deri në 10x zmadhim optik, për rezultate duhet të presim testimet.
Ekrani 6.73″ OLED është goxha kërcim nga 6.53″ i Mate P30. Rezolucioni gjithashtu është rritur në 1,344 x 2,772 px. Dhe mesa duket Huawei ka vendosur të jetë ende ndër Androidët me ekran të harkuar anash, madje goxha të lakuar, 88° hark. Mos u frikëso, butonat fizikë janë prezent akoma.
Shkalla e rifreskimit nuk shkon më shumë se 90Hz ndërsa bokset janë stereo dhe të pajisur me 3D sound.
Bateria gjithashtu ka marrë trajtim të veçantë. Kapaciteti mbetet 4,400mAh por shpejtësia me të cilën karikohet është goxha më lartë. Me një kabull USB-C mund të arrijë deri në 66W karikim. Me wireless arrin deri në 50W, surprizuese!
Çipi fuqizues është Kirin 9000 dhe i bashkohet Apple në arkitekturën 5nm. Padyshim modemi 5G është prezent në të dyja infrastrukturat edhe mmWave edhe sub6.
Huawei Mate 40 Pro do të vijë në EVropë me vetëm një konfigurim 8GB/256GB me hapësirë për kartë memorie.
Çmimi i guximshëm $1,200 do të sjellë një sërë ngjyrash.
Pro+ përdor materiale qeramike dhe arrin deri në 12GB RAM.
Huawei është këtu dhe nuk ka ndërmend të ikë këtë e vërteton padyshim versioni Porsche i pranishëm edhe këtë herë.
