Ndër gjërat që bëri më shumë lajm pas eventit të lançimit të iPhone 12 ishte mungesa e një adaptori dhe kufjeve në paketim. Justifikimi i Apple është për të reduktuar ndotjen nga pajisjet elektronike që na ngelen nëpër sirtare, e më pas në kosh të pa ricikluara.
Një lëvizje e tillë nuk mund të kalonte pa një dozë sarkazme nga ana e kompanive konkurrente.
Samsung Caribbean postoi foton e një adaptori në Facebook dhe shkroi: “#Galaxy jot të jep gjithçka ke nevojë. Nga më bazikja si një karikues, tek kamera më e mirë, bateria, performanca, memoria dhe madje 120Hz në një smartphone.”
Të njëjtën gjë bëri Xiaomi, me një postim në Twitter shkroi “nuk lamë asgjë jashtë kutisë me Mi10Pro.“
Don’t worry, we didn’t leave anything out of the box with the #Mi10TPro. pic.twitter.com/ToqIjfVEQX
— Xiaomi (@Xiaomi) October 14, 2020
Edhe OnePlus i është futur valles ku me lançimin e OnePlus 8T ditën e mërkurë theksoi se në paketim përfshiet edhe një karikues 65W.
Megjithatë nuk është e largët dita kur edhe këto kompani e të tjera të fillojnë të bëjnë të njëjtën gjë. Tek e fundit përtej shqetësimit ekologjik, kjo strategji mundëson ulje çmimesh sidomos në kohë të tilla ku tendenca e tregut kërkon tkurrje shpenzimesh kudo.
Në fakt edhe vetë Samsung diskutohet se do ta aplikojë këtë strategji për produktet e 2021.
