Përtej Apple apo Google një aplikacion për të cilin biem dakort të gjithë është Google Maps. Sasia e informacionit dhe përditësimet e shpeshta e mbajnë atë në vend të parë prej kohësh tashmë.
Por edhe opsionet që ofron janë vërtetë të pakonkurueshme, mbështetur sigurisht nga gjithë lehtësitë që mjedisi Google i ofron.
E po të ndjekim avancimet e kompanisë, pritej që kjo do të ishte e radhës: të hapësh kamerën dhe të marrësh drejtime në kohë reale. Augumented Reality sjell shigjeta, gjurmë dhe shenjues fiks përpara teje teksa je duke ecur.
Opsioni quhet “Live View” dhe ka qenë i disponueshëm prej disa kohësh për aparatet Pixel, përpara ndonjë muaji për përdoruesit Android dhe së shpejti edhe për iOS.
Ky shërbim e bën sigurisht më të thjeshtë ndarjen e vendndodhjes me miqtë, dhe gjithashtu gjetjen e saktë të lokacionit. Maps gjithashtu lajmëron se hartat e tyre tashmë janë përditësuar për marrë etiketa të veçanta për lokacione të famshme si Kulla Eiffel apo atraksionet më tërheqëse të disa prej kryeqyteteve turistikë në botë.
