Google Chrome vjen tashmë me një update të ri të rëndësishëm ku shkruan: “Google ka përmirësuar Chrome për desktop duke rregulluar dy të meta ‘zero-day’ të cilat po përdoreshin nga hakerat, bashkë me dy dobësi në sistem.”
Pra nëse ju dëshironi të mbroheni nga sulmet e hakerave dhe dobësitë e tjera në sistemin e sigurisë së Chrome, mjafton ta update-oni atë në versionin më të fundit 94.0.4606.71 për Windows dhe Mac. Ky është një proçes mjaft i shpejtë, ndonjëherë mjafton vetëm mbyllja dhe rihapja e aplikacionit. Në të kundërt ju duhet të klikoni në 3 pikat që gjenden në anën e djathtë të ekranit tuaj, shkoni në seksionin Help dhe më pas klikoni në About Google Chrome.
Pasi të keni klikuar, do t’ju shfaqet një tabelë e re e cila do të tregojë nëse ju po përdorni versionin më të fundit. Për momentin, browser-at e tjerë si Microsoft Edge, Opera, Brave apo Vivaldi nuk e kanë ofruar ende këtë update.
E meta zero-day e parë njihet si CVE-2021-37975. Ajo “pushton” proçesorët e memories menjëherë duke ju bërë ju të prisni deri sa të shpërndani këtë memorie të zënë. E meta e dytë, CVE-2021-37976, përfshin një “rrjedhje informacioni në bërthamë”. Ne nuk jemi akoma tërësisht të sigurt se çfarë Google nënkupton me fjalën “bërthamë”, megjithatë ky problem duket të jetë më pak i dëmshëm se i pari.
