Ditën e sotme në 20:00 Google do të mbajë eventin online “Launch Night On” nga i cili bota do të marrë vesh më në fund se nga çfarë përbëhet flagshipi i kompanisë kësaj radhe. Jo se nuk i dimë por më në fund do t’i shohim të zyrtarizuara.
Sipas leakerit të besueshëm Evan Blass smartphoni do të ketë këtë pamje:
— Evan Blass (@evleaks) September 24, 2020
Mesohet se kesaj radhe Google ka vendosur që të mos e përfshijë sensorin frontal për skanimin e fytyrës, duke u kthyer kështu mbrapa në kohë me sensorin e prapëm të shenjës së gishtit.
Mësohet se smartphoni do të ketë një proçesor mesatar Snapdragon 765G dhe një modem për 5G, por për fat të keq do të suportojë vetëm rrjetin sub-6GHz i cili është i ngadaltë krahasuar me mmWave.
Pritet që të ketë dy kamera por njëra prej tyre ajo klasikja prej 12.2MP kësaj radhe do të jetë 16MP ultra e gjerë.
8GB RAM, 128GB hapësirë 4080mAh bateri, mbrojtje IP68 USB-C dhe karikim të shpejtë 18W.
Me këto detaje, a është vërtetë një flagship ky smartphone. Ndoshta jo, ndoshta do të kemi një lançim tjetër me një smartphone edhe më premium. Zhurmat flasin edhe për një çmim mjaft të ulët të Pixel 5 ndaj gjithçka mund të ndodhë.
Nga ana tjetë në event pritet që të zbulohet edhe Pixel 4A 5G i cili pritet të ndajë shumë të përbashkëta me Pixel 5 me ndryshim të shkallës inferiore të rifreskimit, baterisë, kamerës dhe mbrojtjes nga uji a pluhuri dhe ekrani Gorilla Glass 3.
Përveç smartphonëve, Google ka konfirmuar se në këtë event do të shohim edhe një Chromecast të ri me Google TV, dhe një Nest Smart Speaker.
