Oppo mund të jetë një kompani që nuk është zhvilluar ende në tregun e pajisjeve të palosshme, megjithatë duket se kompania mund të përgatitet për të sfiduar Samsung në këtë drejtim.
Sipas një lajmi të bërë leak nga PriceBaba dhe Yogesh Brar, Oppo po punon për të krijuar një tablet të palosshëm dhe një smartphone të palosshëm. Ato pritet të quhen Find N Fold dhe Find N Flip dhe do të pajisen me proçesorin më të ri Snapdragon 8+ Gen 1. Me shumë mundësi këto pajisje do të vijnë në treg gjatë kësaj vjeshte.
Gjatë vitit të kaluar, Oppo lançoi pajisjen e parë të palosshme të saj, të quajtur Find N. Megjithatë ky smartphone u shit ekskluzivisht vetëm në Kinë. Kësaj here besohet se Oppo do të ndryshojë strategjinë e saj dhe do të fokusohet në tregun global, e cila do ta vendosë përballë pajisjeve si Galaxy Z Fold 4 dhe Z Flip 4.
Find N 2021 ishte disi ndryshe nga Z Fold 3, pasi vinte me një kamera 50MP, kryesore dhe një 16MP ultrawide, krahasuar me kamerat 12MP kryesore dhe ultrawide të Z Fold 3. Gjithashtu Oppo gjeti një zgjidhje të veçantë për të eleminuar gropën e krijuar në mes nga palosja, dhe ju nuk do ta ndjenit vizën e palosjes në këtë pajisje njësoj si në Fold 3.
