Në ditët e sotme të punosh digjitalisht kërkon burime të ndryshme jo vetëm informacioni por edhe kontenti. Ilustrimet janë të domosdoshme ndaj nëse do të riprodhosh materiale të tuat ose do i bësh vetë ose do paguash dikë që t’i bëjë për ty.
Sigurisht mund të futesh në internet e të vjedhësh punën e dikujt, por nëse ai dikushi të kap teksa ti gjeneron të ardhura prej punës së tij mund të futesh kaq lehtë në telashe.
Por nëse je me buxhet apo kohë të kufizuar ja një listë me faqe të cilat ofrojnë ilustrime dhe skica totalisht falas:
1. Open Peeps.
Siç edhe emri e sugjeron ky katalog i dedikohet skicave ilustruese të personave. Pablo Stanley ka vizatuar një sërë personash të gjithë diversë për të përfaqësuar sa më shumë komunitete e individë.
Në 2016, artisti Vijay Verma ndërmori një sfidë prej 100 ditësh ku çdo ditë do të krijonte një ilustrim të ri. Këto vizatime si përfundim vendosi t’i jepte falas për këdo që ka nevojë. Libraria tashmë është përditësuar edhe me ikona të dedikuara Covid-19.
3. Scale
Kjo faqe ofron nga një ilustrim të ri çdo ditë. Vizatimet të cilat janë open-source mund të përdoren në një sërë situatash. Mund të ruhen në SVG ose PNG e mund t’ndëroohet edhe ngjyra para se të shkarkohen.
4. Artvee
Çertifikatat e pronës intelektuale skadojnë pas një kohe të caktuar, nëse nuk rinovohen janë të hapura për këdo që të përdoren. Ndaj edhe shumë vepra klasike të cilave u ka kaluar prej kohësh data mund të përdoren pa pikë problemi tashmë. ArtVee ka një listë të gjatë opsionesh.
5. Design.Dev
Njerzit kreativ që nuk i duan gjërat gati por thjesht burime për punët e tyre duhet të drejtohen këtu. Kontenti me cilësi të lartë kërkon një llogari premium por kategoritë me material falas janë të shumta në numër.
6. RetroVectors
Nëse ilustrimet vintage janë më shumë stili jot drejtohu këtu. Nga posterat e vjetër deri tek designet Viktoriane pafund janë opsionet. Për më tepër mund të gjesh edhe fonte të kohëve të shkuara gati për t’i integruar në projektet e tua.
Në fakt kjo është më shumë një vegël për të gjetur pakot më të mira me ilustrime falas. Për momentin nuk ekziston një opsion për të kërkuar kontentin e dëshiruar por mund të filtrohen në kategori të ndryshme.
