Këtu në Geek Room nuk e kemi zakon të flasim për arkitekturë, por kur vjen puna tek Apple dhe vendimet e veta të pazakonta nuk stepemi.
Qindra ndërtesa të Apple nëpër botë shërbejnë si dyqane, servise apo qendra komunitare kreative, ndërtesa e radhës do të ndërtohet mbi ujë.
Kompania ka konfirmuar se qendra e radhës do të jetë një kupole e cila do të ndodhet afër resortit Marina Bay Sands në Singapor.
Dyqani do të zëvendësojë një ish-klub nate të quajtur Avalon. Apple e ka ndërtuar strukturën me panele xhami e cila do të reflektojë ndërtesat e qytetit gjatë ditës dhe do të ndriçojë si far gjatë natës. Do të jetë e lidhur me një urë dhe një tunel nën ujor i cili lidhet me një qendër tregtare aty afër.
Nuk dihet ende kur do të hapen dyert, gjithçka dimë është; “comming soon.”
