Forma e PS5 është padyshim elegante dhe flet një gjuhë për brezat e ardhshëm. Ama pavarsisht se këtu në Geek Room e kemi lavdëruar, kombinimi bardh e zi duket se ka marrë reagime të përziera nga fansat. Kërkesa më e lartë flet për një konsole totalisht të zi. Tek e fundit do jetonim një botë të mërzitshme me një PlayStation të pa stilizueshëm.
Informacione na vijnë nga Matt MacLaurin, zëvendës president i UX Design në PlayStation. Në profilin e tij në LinkedIn ai ka pasur disa shkëmbime komentesh me ndjekësit e tij.
Njëri prej tyre pyeste nëse do ta kemi një PS5 të zi, përgjigja ishte thjesht një “ndoshta“. Por në përgjigje të komenteve të tjera ai thotë se “padyshim do të ketë disa edicione speciale” dhe se PS5 është “i modifikueshëm në mënyra që gjeneratat paraardhëse nuk ishin.”
Edicionet e veçanta kanë qenë gjithmonë një sensacion për botën e PS, Assassin’s Creed: Liberation për Vita, Spider-Man për PS4 apo Uncharted 4 janë vetëm disa prej tyre.
Duket se tradita do të vazhdojë.
Modifikimi në mënyra që gjeneratat paraardgëse nuk mundën, është goxha deklaratë e misterioze. Ndoshta pllakat e bardha nuk janë integrale për kutinë e PS5, dhe ndoshta mund të ndërrohen në stile të ndryshme si tek Xbox 360. Ka mundësi edhe që të ketë të bëjë me softuerin apo UI, çka do ishte vërtetë hap përpara.
Për momentin nuk ka asnjë inormacion të konfirmuar për versione të tjera veç modelit bardh e zi. Por njejtë si me gjeneratat e tjera ndoshta në fillim do të jetë zgjedhja e vetme, me kalimin e kohës do të diversifikohet mundësia e zgjedhjes.
