Internetin së fundmi duket sikur e kemi kanalizuar në dy tre aplikacione të caktuara dhe jashtë prej tyre vështirë të dalësh. Por nuk dimë nëse mban mend kohët e arta kur Facebook nuk ishte akoma Facebook, dhe me një të eksploruar zbuloje lloj e soj anësh interesante të webit?
Pikërisht kështu është edhe ideja fantastike e faqes që duhet sesbën ti hedhësh një sy.
Future Me merr përsipër të të lejojë ti shkruash vetes një letër dhe ta marrësh dikur në një datë të caktuar nga ti vetë në formën e e-mailit.
Proçesi është fare i thjeshtë; një kuti ku mund të shkruash çfarë të duash, koha në vite ose me një datë specifike, zgjidh nëse e do të jetë publike apo anonime, fut e-mailin tënd dhe vazhdo jetën.
Një ditë të bukur, kur mundësisht të kesh harruar gjithçka, do të gjesh një surprizë në inbox.
Arsyet e format si mund të përdoret janë nga më të ndryshmet, nga më romantikja deri tek më qesharakja, por padyshim një surprizë nostalgjike pse jo reflektive.
Imagjino; viti 2030, ti je komplet njeri tjetër, je rritur mundësisht ke hyrë në rrugë të perëndisë dhe je martuar, të vjen në inbox një email nga vetja i cili të kujton Covid-19 dhe të pyet a mbaroi 100 Vitrinat.
E nëse je kurioz për çfarë e kanë përdorur të tjerët, në pjesën e sipërme të faqes ke një buton Read Public Letters me shembuj anonimë publik.
