Ditë të vështira këto kohë për Apple.
iOS 13.5 dhe 13.4.1 i prezantoi shumë përdorues me tabelën “this app is no longer shared with you” dhe ndërsa kompania refuzon të japë një deklaratë për këtë problem, telashi tjetër na vjen në derë.
Shumë përdorues të iPhone raportojnë se po marrin njëkohësisht dhjetra përditësime rresht nga App Store, ndonjëherë deri në 100 të tilla. Me përditësime të cilat ndonjëherë janë deri në 10 ditë të vjetra.
Pse po ndodh kjo? Apple vazhdon të heshtë.
Sigurisht që koha e shkurtër nga njëri problem tek tjetri s’mund të mbetet krejt rastësi.
Njëra nga hipotezat ka të bëjë me çertifikatën e skaduar apo kredencialesh të njëjta të përdorura për app sharing. Apple ndoshta i është dashur të riakordojë secilin përditësim me një çertifikatë të vlefshme në secilin nga aplikacionet e prekura nga bug-u duke ndikuar kështu tek shumë nga përdoruesit e vet.
Për sa kohë nuk kemi akoma qartësi nga kompania s’kemi ç’bëjmë. Nëse nuk e ke kontrolluar akoma shko në App Store dhe shkarko të gjitha përditësimet, sado shumë qofshin, të duhen.
