Përtej konkurencës, qëllimi i Apple ka qenë ndër vite ofrimi i një produkti revolucionar për tregun, ekzekutimin profesional të tijin dhe mbajtja e vendit të parë. iPhone, Apple Watch dhe AirPods janë shembuj konkret.
Sipas analistit Ming-Chi Kuo, i cili ka një histori të shëndetshme parashikimesh të sakta, sfida e radhës për Apple duket se do të jenë syzet inteligjente me realitet të përzierë.
Mesa duket vite e vite investime të kompanisë në sektorin e realitetit virtual do të fillojmë ti shohim të trupëzuara në prototipin e parë në fund të 2021, dhe brenda dekadës kjo do të zëvendësojë iPhone. Po Google Glasses u prezantua në momentin e gabuar, 2013 ishte tepër herët për teknologji të tillë.
Stabilizimi i infrastrukturës 5G do të kontribuojë shumë, pasi ajo lloj lidhje do të operojë me shpejtësi të lartë në aparate të vogla duke mundësuar operacione komplekse në cloud, shpejtësi proçesimi dhe përmasa të pranueshme të produktit.
Një koncept jo fort stabël për momentin por brenda një dekade të jemi të bindur se do ta shohim shpesh e më shpesh derisa mbajtja e një cope ekrani në pëllëmbë të dorës do të duket siç na duken telefonat e stërmëdhenj e me antenë tani.
Tregu nuk është bosh në fakt, Oculus, Playstation VR dhe HTC Vive janë të përqëndruara tek Virtual Reality.
Ndërsa Microsoft ofron HoloLens, një aparat i realitetit të përzierë për biznesin dhe konsumatorin.
Apple nuk e ka për zakon të flasë për produktet e saja pa qenë e sigurtë më parë ndaj një deklaratë nga kompania është e pa imagjinueshme, mundemi thjesht të hamendësojmë.
