Jemi mësuar të lexojmë për avancime hapësinore kryesisht nga SpaceX apo NASA por edhe ana tjetër e globit mesa duket nuk po rri duarkryq.
Kina ka ngritur në hapësirë me sukses një raketë dhe një anije kozmike prototip. Kjo ka qenë një test për të misionin e tyre ambicioz për të pasur një stacion hapësinor dhe të çojnë astronautë në Hënë.
Një raketë Long March 5B u ngrit nga stacioni i ngritjes Wenchang në ishullin Hainan dhe 8 minuta më vonë anija kozmike prototip u shkëput dhe hyri në orbitën e planifikuar.
Edhe një version test kapsule mallrash u nda me sukses nga raketa.
Kina shpreson që një dijë anija të transportojë astronautë në stacionin hapësionor të planifikuar për tu mbaruar në 2022 dhe më pas në Hënë.
Shtetet e Bashkuara të Amerikës është i vetmi shtet që ka dërguar njerëz në Hënë deri tani. Kina nga ana tjetër në përpjekje për ta arrirë ka çuar njerëz në hapësirë, satelitë në orbitë dhe një eksplorues në Hënë në 2019.
Pekini po punon të çojë njerëz në Hënë brenda kësaj dekade dhe më pas të ndërtojë një bazë aty. Dhe pas kësaj në Mars, me një test ngritjeje të planifikuar që këtë vit.
Duke marrë parasysh edhe planet e Elon Musk duket se “kontinenti” i ri është hapësira dhe gara për koloninë e parë paska më shumë se një konkurent.
