Duket e vështirë të të bëjë përshtypje çfarëfolloj gjëje këto ditë ku as UFO të Pentagonit nuk po i besojmë, e megjithatë satelitët e Starlinkut na dhanë nga një arsye për të dalë në ballkon.
Spektakli i satelitëve që do të sjellë internet mbi gjithë botën, u premtua edhe këtë fundjavë por askund nuk u pa.
Sot duhet të ishin më afër e me gjatë dhe më të dukshem, por shumë pak prej nesh arritën ti shohin dhe kjo mesa duket ka nje arsye.
Për shkak teknikave që kompania po përdor për të ulur shkëlqimin e tyre. Hapësira pavarsisht dekadave teknologji është terren i ri, i pashkelur ndaj edhe infrastruktura teksa krijohet përmirësohet rrugës.
Shqetësime janë ngritur nga teleskopët e ndryshëm nëpër botë, që në fillim të lëshimit të satelitëve të parë nga SpaceX, imazhe të publikuara tregojnë qartë problemet që shkakton Starlink për institucione të tjera të studimit hapësinor.
Dhe kjo vetëm me qindshet e para të kolonisë, fundjava që shkoi i dyfishoi. Imagjino 40,000.
Shoqata Amerikane e Astronomisë deklaroi në dhjetor se reagimi ka qenë kaq i ndjeshëm sa vetë SpaceX ka kontaktuar komunitetin për të bashkëpunuar drejt një zgjidhjeje, tek e fundit hapësira është e të gjithëve.
Dhe këtë besim e kanë ndarë edhe SpaceX të cilat përveç avancimit teknologjik shprehin se “besojnë në rëndësinë e një qielli natural, për tu shijuar nga të gjithë.”
Ndaj edhe po punojnë në ri-inxhinierimin e satelitëve të tyre që të mos reflektojnë shumë dritë, nga provat me bojat të cilat nuk duhet të reflektojnë drejt tokës por edhe të mos rrisin temperaturën e vetë aparatit, deri edhe bllokues dielli.
Duke filluar nga sot nuk do të kemi mundësinë ti shohim më me sy të lirë.
Satelitët e vjetër do të zëvendësohen brenda 2-3 viteve të ardhshme.
Pasi kompania nuk ka ndërmend të ndalojë, përkundrazi deri në fund të 2020 planifikon të ketë ngritur plot 1,500 satelitë dhe madje do të fillojë të shërbejë komercialisht për Veriun e Shteteve të Bashkuara dhe Jugun e Kanadasë me qëllim shpërndarjen në pjesën tjetër të popullatës brenda 2021.
