Në nëntor 2025 startup-i i dizajnit Synaps, i themeluar në Vjenë nga tre sipërmarrës me origjinë shqiptare, Brendon Ahmeti, Agron Bajraktari, dhe Kevin Çobaj ,zgjodhi Tiranën si vend për prezantimin e versionit beta të aplikacionit. Pesë muaj më vonë, Synaps siguroi $3.6 milionë financim pre-seed nga Plug and Play dhe Fil Rouge Capital. Edhe pse ende në fazë beta, kompania ka arritur një total prej 60,000 përdoruesish, 1,500 përdorues aktivë çdo ditë dhe qindra klientë që paguajnë. CEO Brendon Ahmeti theksoi rëndësinë e krijimit të besueshmërisë dhe ndikimit real në industri.
Synaps synon të revolucionarizojë dizajnin arkitekturor duke kombinuar aftësitë e Figma dhe Lovable në një platformë të vetme. Platforma përdor “vibe designing”, një qasje që lejon krijimin e planeve dhe vizualizimeve përmes komandave të thjeshta.
Ju ftojmë të ndiqni më poshtë një intervistë të kryer para 1 viti nga Geek Room me një nga themeluesit e Synaps, Kevin Çobaj.
Produkti kryesor, Vecy AI, është një mjet gjenerues për vizatimin e planeve, që redukton komandat me 80% dhe përshpejton procesin deri në 50 herë. Sistemi i renderimit për 2D, 3D dhe video pretendohet të jetë 100–1000 herë më i shpejtë se alternativat aktuale, sipas të dhënave të brendshme të kompanisë.
Synaps sfidon gjigantë si Autodesk, duke argumentuar se mjetet ekzistuese janë të vjetruara dhe jo të përshtatura për epokën e AI dhe bashkëpunimit. Kompania është rritur shpejt, nga 4 në 17 punonjës brenda 5 muajsh, dhe ka hapur zyrë në San Francisko.
Platforma është testuar nga disa prej studiove më të mëdha arkitekturore në botë dhe ka marrë feedback nga emra të njohur si Bjarke Ingels dhe Kengo Kuma. Versioni i plotë pritet në verën 2026, me synim 300,000 përdorues deri në fund të vitit.
