Një robot i fuqizuar nga inteligjenca artificiale, i quajtur Ace dhe i zhvilluar nga Sony AI, ka arritur një sukses të rëndësishëm duke mposhtur lojtarë elitarë në pingpong, një nga sportet më sfiduese për makineritë për shkak të shpejtësisë dhe kompleksitetit të tij. Ace fitoi 3 nga 5 ndeshje kundër lojtarëve elitarë, por humbi 2 ndeshje ndaj profesionistëve, duke fituar vetëm 1 set në 7 të tilla.
Ky arritje konsiderohet një moment historik për robotikën, pasi pingpongu kërkon reagime të shpejta, perceptim të saktë dhe aftësi të avancuara teknike. Gjatë ndeshjeve, Ace tregoi kontroll të mirë të topit, reagoi ndaj goditjeve të vështira si topat që preknin rrjetën dhe realizoi goditje të pazakonta që edhe profesionistët i konsideronin të pamundura.
Sistemi përdor një krah me tetë kyçe mbi një bazë të lëvizshme dhe mbështetet në disa kamera që monitorojnë fushën nga kënde të ndryshme. Duke analizuar logon e topit, ai llogarit rrotullimin dhe trajektoren brenda milisekondash. Vendimmarrja dhe strategjitë janë trajnuar përmes mijëra orësh simulimesh kompjuterike, ndërsa disa aftësi janë marrë nga lojtarë ekspertë.
Megjithatë, Ace kishte vështirësi me topat e ngadaltë dhe pa shumë rrotullim, duke i kthyer ato dobët. Lojtarët vunë re se kundër shërbimeve të thjeshta roboti ishte më pak efektiv, gjë që u dha avantazh për sulme.
Një tjetër sfidë për njerëzit ishte mungesa e sinjaleve njerëzore. Ace nuk ka sy apo lëvizje trupore dhe nuk ndikohet nga presioni emocional. Ekspertët e konsiderojnë projektin mbresëlënës, por theksojnë se robotika ende përballet me sfida më të gjera praktike. Sidoqoftë, zhvillime të tilla sugjerojnë se një revolucion i madh teknologjik mund të jetë shumë pranë.
