Puna për ndërtimin e hotelit të parë hapësinor sapo filloi dhe sipas planifikimeve ai do të përfundojë në 2025. I zhvilluar nga Orbital Assembly Corporation (OAC), Voyager Station do të qëndrojë në orbitën e ulët të Tokës dhe do të përfshijë restorante, kinema, spa dhe dhoma për 400 njerëz.
Stacioni hapësinor do të ketë formën e një rrethi të madh dhe do të rrotullohet për të krijuar një gravitet artificial të ngjashëm me atë në sipërfaqen e Hënës. Disa nga 24 modulet do të shërbejnë për ujë, energji dhe për ekuipazhin, ndërsa pjesa tjetër mund t’u jepet me qera kompanive të ndryshme ose mund të blehen gjithashtu. Qeveritë mund t’i përdorin këto module si qendra trajnimi për austronautët që përgatiten për t’u nisur drejt Marsit.
Për herë të parë një model i tillë u hartua nga një nga arkitektët e NASA Wernher von Braun në vitin 1950. Koncepti në një shkallë më të madhe u krye nga Gateway Foundation në 2012. Kostot e ndërtimit të këtij stacioni hapësinor akoma nuk janë bërë të ditura, por teknologjitë e reja të përdorura do të ulin disi çmimin për transportimin e e objekteve të mëdha në orbitë.
Pritet që Voyager Station të jetë operacional në vitin 2027.
