Nëse karantina po bën efekt dhe e ke kapur veten duke shkuar nga kuzhina në dhomë të paktën 60 herë brenda ditës vetëm se ske çfarë të bësh, ndoshta video- lojrat janë një alternativë pak më aktive, të paktën për trurin.
Dhe përpara se të shkarkosh 90GB Call of Duty Warzone e të hedhësh short nëse kompiuteri jot e përballon dot apo jo ndoshta duhet të shohësh më parë çfarë karte grafike ke, ja si ta bësh këtë:
Në Windows 10
1. Shtyp butonin Windows + X dhe në listën që të shfaqet zgjidh Device Manager.
2. Gjej seksionin Display adapters, dhe më pas kliko 2 herë për të parë çfarë përdor PC jot për grafika.
3. Nëse të duhet më shumë informacion, kliko 2 herë në atë çka shfaqet poshtë Display adapters për të parë drivers apo info të tjera.
Në MAC
1. Kliko logon e Apple lart majtas dhe zgjidh About This Mac.
2. Dritarja tjetër të jep informacionin e plotë. Rreshti i parafundit, mbi Serial Number tregon se çfarë po përdor kompiuteri jot për grafikat.
3. Për informacion më të detajuar, kliko System Report nga aty zgjidh Graphics/Displays dhe mbarove.
Pasi të kesh parë edhe parametrat e kompiuterit tënd do të kesh një ide më të qartë se çfarë është i aftë të bëje dhe mundësisht ti kursesh vetes ca orë dhe MB shkarkim.
