Tecno ka kombinuar trendet e kohëve të ndryshme, telefonat modularë dhe telefonat ultra-të hollë për të krijuar Tecno Modular Phone, një koncept i bazuar në Modular Magnetic Interconnection Technology dhe i ekspozuar në MWC 2026, ku Geek Room dhe Neptun do të jenë të pranishëm për të informuar ndjekësit rreth të rejave më të fundit nga bota e teknologjisë.
Ide kryesore qëndron tek fleksibiliteti, pasi përdoruesit mund të ndryshojnë konfigurimin harduerik me module sipas nevojës, madje edhe minutë pas minute.
Koncepti përfshin dy versione: Atom Edition, me ngjyra argjendi dhe të kuqe, dhe Moda Edition, me ngjyrë të zezë dhe të artë. Telefonat janë vetëm 4.9 mm të trashë, një milimetër më pak se Tecno Spark Slim, me xham mat në pjesën e pasme dhe një rrjet magnetik të dizajnuar saktësisht për të mbajtur modulet. Ndryshe nga MagSafe, sistemi i Tecno përdor lidhje fizike me pogo pins për transmetim më efikas të energjisë, duke e bërë përdorimin e moduleve si Power Bank më të ftohtë dhe më efikas. Power Bank shton gjysmën e jetës së baterisë dhe është vetëm 4.5 mm e trashë, duke ruajtur një profil të hollë të pajisjes.
Pajisja përdor lidhje të ndryshme të dhënash në varësi të moduleve: Bluetooth për module të thjeshta, Wi-Fi ose mmWave për module që kërkojnë transmetim të shpejtë dhe me vonesë të ulët, si Action Camera ose lente telefoto. Atom Edition ka një set konektorësh energjie, ndërsa Moda Edition ka dy, duke mundësuar përdorimin e moduleve më të mëdha që mbulojnë të gjithë pjesën e pasme.
Megjithëse aktualisht është vetëm prototip, Modular Magnetic Interconnection Technology tregon potencialin e harduerit modular dhe hap mundësinë që në të ardhmen Tecno të ofrojë këtë ekosistem për prodhues të tjerë dhe përdorues që kërkojnë konfigurime të personalizuara.
