Prej kohësh tashmë diskutohet çështja e dhunës dhe e pamjeve të rënda grafike që janë pjesë e pamohueshme e video lojrave digjitale. Pavarësisht kategorizimit të tyre në fasha të caktuara të moshës minorenët gjithnjë e kanë gjetur mënyrën të kenë akses, njësoj si me filmat dhe materialet e tjera +18.
Nga stimulimi i dhunës deri tek problemet mendore të shumta kanë qënë pretendimet kundër tyre.
Dhe ja ku erdhën ndryshimet më në fund.
Riot Games Inc. po konsideron heqjen e gjakut në tournamente përfshi këtu lojën e tyre më të fundit Valorant, ndryshim ky për të tërhequr më shumë sponsor dhe transmetime.
Përpara se të lançohej Valorant, Riot u mblodh me më shumë se 100 organizata esports për organizimin e kompeticioneve dhe gjaku ka qënë gjithnjë problem.
Tituj të famshëm si Counter Strike: Global Offensive raportojnë se shumë sponsorizime dhe oferta komerciale i kanë humbur pikërisht për këtë arsye. Dhe nuk është e vetmja.
Ndaj do të shtohet tashmë një opsion që e fik grafikën e gjakut në rast nevoje.
Dhe më pas në çdo tournament esports efekti i gjakut do të fiket.
Ndoshta do të mërziten fansat të cilët duan një eksperiencë më të plotë e sidomos adultët, por sidoqoftë është një lëvizje në të mirë të komunitetit përveç minorenëve edhe për kompeticionet.
Në fund të fundit më shumë sponsor më shumë para.
