Greqia dhe historia e saj e themelimit të qytetërimit modern janë kryeqendra e interesit të Assassin’s Creed për momentin por nga titujt më të dashur të fansave të sagës 12 vjeçare vazhdon të mbetet Rogue dhe AC II.
Dhe lajmet e momentit i takojnë kësaj të dytës pasi Ubisoft ka vendosur që ta bëjë falas versionin PC.
Duke filluar nga 14 Prilli mjafton të futesh në uPlay të krijosh një llogari pa pagesë pasi nuk do të nevojitet abonimi, dhe gjithçka të duhet është një PC bazik.
Po flasim për një lojë të 2009-ës ndaj grafikat dhe performanca nuk janë të gjeneratës së sotme ama sidoqoftë hostoria aventurat dhe sfidat janë nga më të respektuarat në të gjithë botën e video games.
Pjesë e trilogjisë së parë të AC, loja ndjek sfidat e Ezio Auditore nga Firenze gjatë Rilindjes Italiane në kërkim të templarëve.
Në ditë të mbyllura për botën, Venezia, Firenze dhe Toskana mund të vizitohen edhe në këtë mënyrë. Duke marrë ndërkohë edhe informacionet historike për ndërtestat, politikën dhe ngjarjet e kohës.
Oferta fillon nesër ndaj kujdes mos shko ta blesh sot.
