Një studim i ri tregon se prindërit që zbatojnë stilin autoritar të edukimit, me rregulla të rrepta, ndëshkime dhe kërkesë për bindje pa diskutim, rrezikojnë t’i shtyjnë fëmijët drejt depresionit në adoleshencë. Sipas studiuesve, ky stil krijon një mjedis izolues dhe me presion të lartë, i cili dëmton mirëqenien emocionale. Përkundrazi, një stil autoritativ (i butë, me rregulla të shpjeguara dhe mbështetje emocionale) lidhet me nivele më të ulëta depresioni, ankthi dhe stresi.
Studimi analizoi 583 nxënës 10–18 vjeç në Nepal, të cilët plotësuan pyetësorë mbi shëndetin mendor, vetëvlerësimin dhe mënyrat e disiplinimit të përdorura nga prindërit. Katër stilet klasike të prindërimit, autoritar, autoritariv, tolerant dhe neglizhent, u krahasuan për ndikimin e tyre emocional.
Rezultatet treguan se fëmijët që perceptonin prindërit si autoritarë kishin më shumë probabilitet të përjetonin depresion. Ata me prindër autoritartiv/tolerues kishin më pak simptoma. Stili tolerant nuk lidhej fort me depresion, por ishte i lidhur me nivele më të larta stresi.
Interesant është fakti se fëmijët me prindër të rreptë shfaqnin vetëvlerësim më të lartë sesa ata me prindër mbështetës, një gjetje që bie ndesh me studimet e mëparshme. Studiuesit sugjerojnë se prindërit autoritativ/tolerantë mund të rrisin shumë pritshmëritë, duke ndikuar negativisht tek vetëvlerësimi i adoleshentëve.
Megjithatë, faktori më i madh rrezikues për shëndetin mendor ishte bullizmi: adoleshentët e ngacmuar ishin deri në 2.4 herë më të rrezikuar nga depresioni dhe të kishin vetëvlerësim të ulët. Studime të tjera paralajmërojnë se prindërimi shumë i rreptë mund të ndikojë deri në nivel gjenetik, duke ndryshuar mënyrën se si truri përpunon stresin dhe rritur predispozitën për depresion.
