Kia ka prezantuar versionin më të ri të një ndër modeleve më të suksesshme Sportage 2026, i cili vjen me një pamje më të guximshme, teknologji të përparuar dhe asistent inteligjent të integruar të fuqizuar nga ChatGPT. Me këtë përditësim, SUV-i kompakt synon të forcojë pozicionin e tij si një nga modelet më moderne dhe inovative në segmentin e vet, dhe ju keni mundësinë ta shikoni dhe testoni nga afër në Kia Albania, shitësin zyrtar në Shqipëri nga Mektrin.
Në pjesën e jashtme, Sportage 2026 adopton gjuhën e re të dizajnit “Opposites United”, me një grilë më të gjerë dhe parakolp të përditësuar që i japin makinës një prani më dinamike dhe sportive. Elementi më karakteristik është ndriçimi “Star Map”, një dizajn futurist i dritave të ditës që e dallon qartë nga konkurrenca. Gjithashtu, modeli është bërë 25 mm më i gjatë, për t’iu përshtatur standardeve të reja evropiane Euro 7, pa kompromentuar manovrueshmërinë.
Brenda kabinës, përmirësimet janë po aq të dukshme. Kia ka shtuar timoni me dy ngjyra, materiale të buta dhe dy ekrane të harkuar 12.3 inç, që krijojnë një ambient modern e të fokusuar tek shoferi. Teknologjia ccNC (Connected Car Navigation Cockpit) sjell përditësime over-the-air, akses në shërbime transmetimi video e muzike, dhe madje edhe pagesa të parkimit direkt nga automjeti.
Risia më e madhe është Ndihmësi Kia AI, i fuqizuar nga ChatGPT, që ofron informacion nga TripAdvisor, sugjerime për udhëtime dhe komandim zanor inteligjent. Siguria nuk mbetet pas: sistemet HDA 2, LFA 2, dhe SCC 2 ofrojnë asistencë të avancuar në drejtim, ruajtje ose ndërrim të korsive si dhe frenim emergjent.
Kia Sportage 2026 përfaqëson evolucionin e një SUV-i që bashkon dizajnin premium, teknologjinë digjitale dhe sigurinë inteligjente, duke e vendosur një hap përpara në garën e makinave të së ardhmes.
