Kompania Microsoft, përmes kreut të saj të njësisë AI, Mustafa Suleyman, deklaroi se nuk ka në plan të ofrojë shërbime të inteligjencës artificiale që prodhojnë “biseda erotike të simuluara”. Ai u shpreh: “Ky është një shërbim të cilin nuk do ta ofrojmë”.
Kjo deklaratë vjen pak javë pasi OpenAI njoftoi se do të lejojnë përdorues të verifikuar të rritur ta përdorin ChatGPT për biseda erotike. Drejtuesi i OpenAI, Sam Altman, tha se kompania nuk është “polic moral” dhe do të ofrojë më shumë liri për të rriturit.
Suleyman ka theksuar gjithashtu një qasje themelore etike: AI duhet ndërtuar për njerëzit dhe jo të zëvendësojë një njeri real. Përmes një eseje të publikuar në gusht, ai argumentoi se krijimi i shërbimeve që duken të vetëdijshme mund të krijojë një “aks tjetër ndarjeje” për njerëzimin.
Në takimin në Paley International Council Summit në Menlo Park, Suleyman shprehu shqetësimin se avatarë me fokus erotik janë tashmë një realitet, dhe sipas tij, kjo është “shumë e rrezikshme”. Ai vuri në dukje se kompanitë po e eksplorojnë këtë drejtim, për shembull përmendën edhe ofrues të tjera si Grok të Elon Musk, që kanë nisur të ofrojnë shërbime të tilla.
Nga ana e partneritetit, Microsoft ka qenë prej vitesh investitor kryesor dhe ofruesi i infrastrukturës për OpenAI, megjithatë marrëdhënia ka shfaqur shenja tensioni: OpenAI po bashkëpunon gjithnjë e më shumë me rivalë të Microsoft-it si Google dhe Oracle, ndërsa Microsoft po përqendrohet tek zhvillimi I shërbimeve të veta të AI.
