Lojra mashtruese që të premtojnë lekë ka mjaft në qarkullim, të pakta janë ato të cilat vërtetë e ofrojnë këtë shpërblim.
HQ Trivia është një prej tyre. Pak kohë më përpara loja ishte një sensacion i momentit, ku njohuritë e përgjithshme mund të të jepnin pak dollarë. Loja zhvillohej në një moment të caktuar të ditës dhe për një kohë të shkurtër, gjë që garantonte edhe mundësinë e vërtetë ekonomike, duke u zhvilluar në kushte të besueshme. Për më tepër duhet të garoje njëkohësisht me lojtarë të tjerë dhe fituesit ishint të vërtete. Loja mori përshtypje vërtetë të mira dhe pati sukses.
Në fillim të vitit gjithçka ndaloi në mënyrë të rrufeshme, për shkak të një investimi të gabuar. Por ata të cilët vazhdojnë ta kenë në smartphone aplikacionin, ditën e sotme morën një notification nga HQ Trivia ku lajmërohej fillimi i sezonit të ri.
Themeluesi i lojës kishte kohë që lajmëronte se po kërkonte investime të reja, mesa duket ia paska dalë.
Loja do të zhvillohet çdo ditë në 21:00 duke filluar nga kjo javë. Dhe mesa duket do të përfshijë edhe një fushatë donacioni për luftën kundër Covid-19, ndaj besohet se do të ketë goxha para në lojë.
Ku i dihet se për sa kohë do zgjasë kësaj here, sidoqoftë rrimë që rrimë në shtëpi pse mos bëjmë ndonjë lekë.
