Mektrin Marine ka shtuar një tjetër emër të madh në portofolin e saj të mjeteve lundruese luksoze, duke sjellë për herë të parë në Shqipëri dhe rajon markën prestigjioze Pirelli Speedboats. Kjo verë shënoi prezantimin zyrtar të linjës italiane para klientëve vendas dhe rajonalë, duke e vendosur kompaninë si përfaqësues ekskluziv të një prej brandeve më të njohura ndërkombëtare në botën e anijeve sportive e luksoze.
Pirelli Speedboats është fryt i bashkëpunimit mes kantierit Sacs Tecnorib dhe emrit legjendar Pirelli, duke sjellë një koncept që bashkon elementët e një day-cruiser-i, një center console dhe një gomone luksoze. Ky kombinim e bën linjën unike, duke ofruar një mjet të vetëm që mbulon nevoja të ndryshme: nga udhëtimet e shpejta ditore te përdorimi si tender për superjahte.
Zgjerimi i Mektrin me këtë brand përforcon misionin e kompanisë për të sjellë në tregun shqiptar dhe rajonal markat më të njohura të industrisë detare. Klientët që zgjedhin Pirelli Speedboats përfitojnë jo vetëm dizajnin elegant italian dhe performancën e lartë, por edhe shërbim teknik pas shitjes dhe garanci 2-vjeçare të mbështetur nga ekipi teknik i Sacs Tecnorib.
Që prej vitit 2005, Sacs Tecnorib mban licencën ekskluzive për prodhimin e gomoneve luksoze Pirelli. Gama e modeleve varion nga Jet Tender, mjete ndihmëse prej 2.5 metrash për jahtet, deri te Pirelli 50, krijuar në bashkëpunim me Masonry, të cilat njihen për shpejtësi, stabilitet dhe aftësinë për t’u përdorur si anije të pavarura. Me dizajn modern, materiale të përparuara dhe motorë të fuqishëm, këto mjete shpesh përshkruhen si “supermakinat e detit”.
Mektrin do të nisë një fushatë të posaçme prezantimi në momentin e mbërritjes së modeleve në showroom, duke theksuar rolin që ky partneritet i ri ka në forcimin e pozitës së Shqipërisë në tregun mesdhetar të mjeteve lundruese luksoze.
