Pavarsisht se gjysma e botës vazhdon të jetë duke përdorur Windos 7, pse jo edhe XP, sistemi operativ aktual i Microsoft është Windows 10, i cili sapo shënoi një arritje goxha të madhe për kompaninë.
Windows 10 feston 1 miliard përdorues dhe ka vendosur ta ndajë këtë lajm me botën duke postuar një video me ndryshimet e reja që pritet të integrohen në ndërfaqje.
Menuja e Startit nuk do ti ketë më katrorët me ngjyra. Ata që do të qëndrojnë do ti përshtatet pjesës tjetër të design-it. Një pjesë e madhe e aplikacioneve do të rimodelohen gjithashtu, duke theksuar File Explorer, Photos dhe Calculator. Ikonat do të jenë të reja, gjithmonë në përshtatje të temës së re.
Filozofia e re e design-it quhet Fluent Design System. Qëllimi është të ofrojë një eksperiencë të pastër, efikase dhe në sinkron me platformat e tjera.
Microsoft thotë se këto ndryshime nik do të hyjnë në fuqi menjëherë, disa mund të shfaqen gjatë vitit ose ndoshta do të ruhet gjithçka kur të bëhet lançimi i Surface Neo ku do të prezantohet edhe Windows 10X. Gjithmonë nëse nuk anullohet edhe ajo.
Nëse se nuk keni kaluar ende në Windows 10, këtu gjeni hapat e përgatitura nga Geek Room.
