Samsung Electronics do të rikthehet në IFA (Innovation for all), panairin më të madh të elektronikës për konsumatorët në Evropë, i cili do të mbahet nga 5 deri më 9 shtator në Berlin.
Për edicionin e 101-të të këtij panairi, Samsung do të marrë sërish në zotërim hapësirën City Cube, për të prezantuar inovacionet më të fundit për një audiencë globale.
Këtë vit, Samsung do t’u ofrojë të ftuarve mundësinë të eksplorojnë vizionin e tij për mënyrën se si inteligjenca artificiale po formëson shtëpitë tona, sot dhe në të ardhmen. Vizitorët do të kenë mundësinë të përjetojnë nga afër se si pajisjet mobile, televizorët, laptopët dhe pajisjet shtëpiake të Samsung përdorin fuqinë e AI-së për ta bërë jetën e përditshme më të lehtë dhe më të zgjuar.
Më 4 shtator, një ditë përpara hapjes zyrtare të ekspozitës, Samsung do të mbajë një konferencë për shtyp, ku do të prezantojë një gamë të gjerë produktesh dhe shërbimesh inteligjente të teknologjisë më të avancuar. Si lider në zgjidhjet shtëpiake me bazë AI, konferenca do të nxjerrë në pah potencialin transformues të inteligjencës artificiale në ambientin shtëpiak, duke theksuar se si produktet inteligjente të Samsung dhe ekosistemi SmartThings bashkëpunojnë në mënyrë të pandërprerë për të thjeshtuar jetën e përditshme.
Përfaqësues të Samsung dhe partnerëve të tij do të marrin fjalën në skenë, për të ndarë njohuritë e tyre mbi linjën më të re të produkteve dhe se si teknologjia Samsung mund ta bëjë jetën në shtëpi më efikase dhe më të këndshme. Më pas, të ftuarit do të kenë mundësi të eksplorojnë nga afër risitë e Samsung në një ambient gjithëpërfshirës dhe interaktiv, përpara se hapësira të jetë e aksesueshme për publikun e gjerë ditën pasuese.
Detaje të tjera do të bëhen të ditura së shpejti.
