Samsung ka paralajmëruar përdoruesit e telefonëve Galaxy që të aktivizojnë menjëherë shërbimet e reja kundër vjedhjes, të sjella me përditësimine One UI 7, për shkak të rritjes së rasteve të vjedhjes së telefonëve në mbarë botën. Këto veçori janë pjesë e paketës së zgjeruar të Theft Protection, që ofron më shumë siguri sesa mbrojtja standarde e Android.
Shërbimet kryesore përfshijnë:
- Theft Detection Lock: Përdor inteligjencën artificiale për të zbuluar lëvizje të papritura që tregojnë për vjedhje dhe bllokon menjëherë ekranin.
- Offline Device Lock: Ekrani bllokohet automatikisht nëse pajisja qëndron për një kohë të gjatë jashtë rrjetit.
- Remote Lock: Mund të bllokoni telefonin e vjedhur nga distanca duke përdorur numrin tuaj dhe një hap të thjeshtë verifikimi.
Për t’i aktivizuar, shkoni te Settings > Security and Privacy > Lost Device Protection > Theft Protection.
Samsung ka prezantuar edhe mjete të reja anti-vjedhje:
- Verifikimi i Identitetit me Vendet e Besuara: Përcaktoni zona të sigurta (si shtëpia), ku telefoni qëndron i zhbllokuar. Jashtë këtyre zonave, nevojitet autentikim biometrik për ndryshime të ndjeshme.
- Vonesa e Sigurisë: Shton një vonesë prej një ore kur dikush përpiqet të ndryshojë të dhënat biometrike, duke i dhënë kohë pronarit për ta bllokuar telefonin nga distanca.
Këto veçori po shpërndahen për modelet kryesore si Galaxy S24, Z Fold6, Z Flip6, Z Fold5, Z Flip5, S23 dhe S22, ndërsa përditësime të tjera do të vijnë për më shumë modele Galaxy.
Google dhe Apple kanë prezantuar gjithashtu veçori të ngjashme kohët e fundit.
