Apple po planifikon t’u japë përdoruesve në Bashkimin Evropian (BE) mundësinë që të zgjedhin një asistent zanor tjetër përveç Siri-t, sipas një raportimi nga Bloomberg i Mark Gurman dhe Drake Bennett. Ky është një ndryshim i rëndësishëm në qasjen e Apple dhe pritet të zbatohet në platformat kryesore të kompanisë, përfshirë iPhone, iPad dhe Mac.
Ky zhvillim do t’u lejojë përdoruesve në BE të caktojnë asistentë të tjerë zanorë, si Alexa ose Gemini AI Assistant, si opsion në pajisjet e tyre Apple. Raporti thekson se Apple po bën këto ndryshime për t’iu përshtatur ligjeve të reja në BE, të cilat kanë ndikuar tashmë që kompania të lejojë aplikacione të palëve të treta të parazgjedhura për shfletim, dërgimin e mesazheve, navigim dhe funksione të tjera kryesore. Bashkimi Evropian përmes rregullave të reja synon të nxisë konkurrencën dhe t’u japin më shumë kontroll përdoruesve mbi pajisjet e tyre
Kjo mund të sinjalizojë një hapje më të madhe nga Apple drejt konkurrencës dhe zgjedhjes së lirë për përdoruesit. Edhe pse ky ndryshim është aktualisht i kufizuar në BE, ai mund të ketë pasoja më të gjera për qasjen e Apple ndaj rregullimeve dhe përdoruesve në të gjithë botën.
