Me popullarizimin e inteligjencës artificiale Nvidia po shijon një sukses të jashtëzakonshëm dhe me sa duket kompania dëshiron të ruajë këtë avantazh në treg. Nvidia tani gjeneron $2,300 fitim çdo sekondë pas revolucionit të AI.
Tani, kompania po prezanton GPU-të e AI që shpreson të zgjerojë epërsinë e saj në tregun e inteligjencës artificiale: Blackwell Ultra GB300, i cili do të dalë në treg në gjysmën e dytë të këtij viti, Vera Rubin për gjysmën e dytë të vitit të ardhshëm dhe Rubin Ultra që do të dalë në gjysmën e dytë të 2027.
Blackwell Ultra i këtij viti shfrytëzon arkitekturën ekzistuese të procesorë të AI, dhe për këtë arsye zuri një pjesë të vogël të fjalimit prezantues. Gjithashtu kompania nuk bëri të ditur diferencën në fuqi procesimi midis Blackwell origjinal dhe versionit Ultra. Megjithatë më vonë Nvidia kaloi tek arkitektura e re e procesorit Vera Rubin, i cili duhet të ofrojë 3.3 herë më shumë performancë se Blackwell Ultra.
Në një konferencë paraprake me gazetarët, Nvidia zbuloi se një çip i vetëm Ultra do të ofrojë të njëjtat 20 petaflops të performancës së AI si Blackwell, por tani me 288 GB memorie HBM3e në vend të 192 GB. Ndërkohë, një grup Blackwell Ultra DGX GB300 “Superpod” do të ofrojë të njëjtat 288 CPU, 576 GPU dhe 11.5 ekzaflops të llogaritjes FP4 si versioni Blackwell, por me 300 TB memorie në vend të 240 TB.
Kryesisht, Nvidia krahasoi Blackwell Ultra-n e saj të ri me H100, çipin e vitit 2022 që nxiti epërsinë e Nvidia në tregun e AI dhe që përdoret nga shumica e kompanive që dëshirojnë të përditësojnë sistemet e tyre. Nvidia thotë se mund të përshpejtojë në mënyrë dramatike “arsyetimin AI”, duke dhënë përgjigje në vetëm 10 sekonda në vend të 1,5 minutave që kërkon H100. Nvidia thotë se kjo është për shkak se mund të përpunojë 1,000 argumente në sekondë, 10 herë më shumë se çipat e Nvidia 2022.
