Një vit më parë, dy studiues të sigurisë zbuluan një të metë në sigurinë e një portali në web të Subaru që i lejoi ata të siguronin komtrollin e makinës dhe të gjurmonin të dhënat e vendndodhjes së shoferit, sipas një raporti nga Wired.
Subaru që atëherë ka rregulluar dobësitë pasi studiuesit –Sam Curry dhe Shubham Shah – i raportuan gjetjet e tyre prodhuesit japonez të automjeteve. Por të dy paralajmërojnë se gjetja dhe rregullimi i të metave në makinat me teknologji të avancuar nuk është një zgjidhje për një problem kaq të përhapur të sigurisë.
Studiuesit në këtë rast hakuan një makinë testuese përmes një portali në internet për punonjësit, i cili jo vetëm i lejoi ata të bënin gjëra të tilla si ndezja e makinës nga distanca, por edhe të gjurmonin vendndodhjen e automjetit në kohë reale dhe të shihnin të dhënat e vendndodhjes për një vit.
“Pavarësisht nëse dikush po tradhton gruan e tij ose është pjesë e ndonjë grupi politik, ka një milion skenarë ku mund t’i përdorni këto informacione kundër një pronari të Subaru”, tha Curry.
Për sa kohë që punonjësit kanë akses në të dhëna të tilla, ai informacion është i prekshëm ndaj metodave në zhvillim të hakerimit.
Studiuesit vunë në dukje gjithashtu se ky është një problem në mbarë industrinë. Të njëjtat të meta të bazuara në ueb prekin edhe prodhuesit e tjerë të makinave si Acura, Genesis, Honda, Hyundai, Infiniti, Kia dhe Toyota.
