Përgjatë eventit Unpacked të organizuar ditën e sotme, Samsung sapo ka prezantuar serinë më të re të smartphone-ve flagship, Galaxy S25, e cila përbëhet si zakonisht nga 3 pajisje: Galaxy S25, Galaxy S25 Plus dhe Galaxy S25 Ultra. Ky është hapi i parë në vizionin e Samsung për të ndryshuar mënyrën se si përdoruesit ndërveprojnë me telefonin e tyre – dhe me botën e tyre.
Të 3 pajisjet janë të fuqizuara nga një proçesor i përshtatur posaçërisht për këto pajisje, Sanpdragon 8 Elite for Galaxy, duke dhënë akoma më shumë fuqi përpunimi për Galaxy AI dhe më shumë ndërveprime superiore të kamerës me ProVisual Engine të gjeneratës së ardhshme të Galaxy.
“Seria Galaxy S25 hap derën për një OS të integruar me AI që ndryshon rrënjësisht mënyrën se si ne përdorim teknologjinë dhe si jetojmë jetën tonë.” tha TM Roh, President dhe Drejtues i Biznesit Mobile eXperience në Samsung.
Përvoja më intuitive me një shtresë ekstra sigurie
Përditësimet në One UI 7 bëjnë që pajisjet Galaxy të jenë më inteligjente se kurrë, ndërkohë që privatësia ruhet në mënyrë rigoroze. Përmirësimet në Circle to Search with Google e bëjnë kërkimin në ekranin e telefonit tuaj më të dobishëm dhe të shpejtë. Circle to Search njeh tani numrat e telefonit, email-et dhe URL-të në ekranin tuaj, duke ju lejuar të telefononi, dërgoni email ose të vizitoni një faqe interneti me një prekje të vetme.
Duke mbajtur shtypur butonin anësor ju aksesoni menjëherë asistentin Gemini, për të kryer ndërveprime pa probleme me aplikacionet Samsung dhe Google, plus aplikacionet e palëve të treta si Spotify. Galaxy S25 mban gjithashtu telefonatat të organizuara përmes Call Transcript. Karakteristikat e Writing Assist si përmbledhja e përmbajtjes ose formatimi automatik i shënimeve mund të aktivizohen ku teksti mund te selektohet, pa pasur nevojë të kaloni nga një aplikacion në tjetrin. Drawing Assist zhbllokon mënyra të reja për të sjellë në jetë idetë përmes kombinimeve të skicave, teksteve ose kërkesave të imazhit.
One UI 7 hedh bazat për një siguri gjithëpërfshirëse duke prezantuar kriptografinë post-kuantike, për të mbrojtur të dhënat personale kundër kërcënimeve në zhvillim që mund të rriten ndërsa informatika kuantike evoluon.
Performanca më e mirë në një smartphone Galaxy
Për të arritur një performancë të jashtëzakonshme, më të fuqishme se kurrë më parë, këto pajisje fuqizohen nga një procesor i përshtatur posaçërisht për serinë Galaxy S25: Snapdragon 8 Elite for Galaxy.
Falë përmirësimeve të vazhdueshme është siguruar një rritje e performancës me 40% në NPU, 37% në CPU dhe 30% në GPU krahasuar me gjeneratën e mëparshme. Kjo fuqi ushqen aftësitë e serisë Galaxy S25 për të përpunuar më shumë përvoja të AI-së në pajisje pa kompromis, duke përfshirë detyrat e mëparshme të inteligjencës artificiale, si p.sh. Generative Edit.
Seria Galaxy S25 karakterizohet nga përpunimi I avancuar dhe efikas i imazhit me AI me ProScaler për të arritur një përmirësim prej 40% në cilësinë e shkallëzimit të imazhit të ekranit, ndërkohë që përfshin teknologjinë e personalizuar me motorin Digital Natural Image të Samsung (mDNIe) të integruar brenda procesorit duke përdorur Galaxy IP për të mundësuar efikasitet më të madh të fuqisë së ekranit.
Snapdragon 8 Elite për Galaxy është gjithashtu i pajisur me Vulkan Engine dhe Ray Tracing të përmirësuar, gjë që bën lëvizjet gjatë lojërave celulare më të buta dhe më realiste.
Sistem i përmirësuar kamerash për regjistrimin e pëembajtjeve në mënyrë profesionale
Me një sensor të ri të kamerës ultra të gjerë 50 MP të përmirësuar nga 12 MP i mëparshëm, Galaxy S25 Ultra ofron qartësi dhe gjallëri të jashtëzakonshme. Gjithashtu ngjyrat do të jenë 4 herë më të pasura falë regjistrimit 10-bit si patazgjedhje.
Tashmë përdoruesit do të përfitojnë nga shërbimet e reja për ta bërë modifikimin e avancuar më të aksesueshëm për të gjithë. Audio Eraser thjeshton heqjen e zhurmës së padëshiruar në video. Duke izoluar kategoritë e tingujve – duke përfshirë zërat, muzikën, erën, natyrën, turmat dhe zhurmën – mund të kontrolloni se çfarë të ulni ose eliminoni plotësisht.
Për një përvojë të ngjashme me DSLR, Galaxy S25 prezanton kontrollin e thellësisë së fushës me Virtual Aperture, të integruar në Expert RAW. Galaxy S25 gjithashtu zhvillon më tej krijimtarinë kinematografike me Galaxy Log, duke mundësuar opsione precize të klasifikimit të ngjyrave për prodhim video më profesional.Portrait Studio është përmirësuar gjithashtu, duke i lejuar përdoruesit të krijojnë avatarë të personalizuar me shprehje të fytyrës më të vërteta. Filters prezanton filtra të rinj të stilit analog, duke ofruar estetikë të ngjashme si nëpër fima, për fotot dhe videot e tyre.
Dizajn elegant dhe miqësor me mjedisin
Galaxy S25 Ultra përmban titan të qëndrueshëm dhe Corning Gorilla Armor 2 të ri, një material i parë në llojin e tij që është më i qëndrueshëm se xhami. Ai kombinon materialet Corning si qelqi dhe qeramika me një trajtim të veçantë një veçori anti-reflektuese, duke ofruar një siguri të avancuar mbrojtëse në rast rënieje dhe rezistencë ndaj gërvishtjeve.
Çdo komponent i jashtëm i Galaxy S25+ dhe S25 tani përfshin të paktën një material të ricikluar, pasi korniza e tyre metalike përfshin aluminin e armaturës së ricikluar për herë të parë.
Për më tepër, ndërsa çdo pajisje e serisë Galaxy S25 përdor një minimum prej 50% kobalt të ricikluar për baterinë e saj, Galaxy S25 do të jetë telefoni i parë inteligjent Galaxy që do të ketë bateritë e bëra me kobalt të ricikluar me burim nga pajisjet e mëparshme Galaxy ose bateritë e hedhura gjatë procesit të prodhimit.
Disponueshmëria
Të gjitha pajisjet Galaxy S25 do të vijnë me 6 muaj Gemini Advanced dhe 2 TB hapësirë ruajtëse në cloud pa kosto shtesë.
Seria Galaxy S25 do të jetë e disponueshme për porosi nga data 22 janar 2025. Galaxy S25 Ultra do të jetë i disponueshëm në ngjyrat Titanium Silverblu, Titanium i Zi, Titanium I bardhë Argjendi dhe Titanium Gri.
Ky smartphone do të vijë në 3 versione:
- 12/256 GB: 139.999 ALL
- 12/512 GB: 153.999 ALL
- 12/1 TB: 175.999 ALL
Galaxy S25 dhe Galaxy S25+ do të jenë të disponueshëm në ngjyrat Navy Blu, Silver Shadow, E kaltët qielli dhe mente.
Galaxy S25 do të vijë në këto versione:
- 12/128 GB: 87.499 ALL
- 12/256 GB: 93.499 ALL
Galaxy S25+ do të vijë në këto versione:
- 12/256 GB: 111.999 ALL
- 12/512 GB: 123.499 ALL
