Raportimet më të fundit kanë sugjeruar se aplikacioni Camera në iPhone do të marrë një ridizenjim dramatik si pjesë e iOS 19 këtë vit.
Në një video në YouTube, Jon Prosser zbulon se aplikacioni i ri i Camera në iOS 19 do të shfaqë një dizajn që “pasqyron etikën e dizajnit nga visionOS“. Prosser thotë gjithashtu se pa në veprim aplikacionin e ridizajnuar të Camera nga iOS 19. Megjithatë, për të mbrojtur burimin e tij, ai nuk mund ta ndajë atë video. Në vend të kësaj, ai e rikrijoi atë nga e para për të na dhënë një ide se çfarë të presim nga ridizenjimi.
Videoja tregon se si Apple ka konsoliduar kontrollet në fund të ndërfaqes në dy çelësa për “Foto” dhe “Video“. Brenda çdo menuje, mund të kaloni midis modaliteteve të ndryshme, të rregulloni cilësimet si ekspozimi dhe më shumë.
Në krye të ndërfaqes, ju keni akses të shpejtë te kontrollet për gjëra të tilla si “Live Photos” dhe blici, si dhe cilësimet për rezolucionin dhe fps. Ekziston gjithashtu një buton i dedikuar për të shkuar në bibliotekën tuaj të fotografive.
Dizajni i kësaj rrjedhjeje të supozuar të iOS 19 është frymëzuar qartë nga visionOS dhe disa nga gjuhët e dizajnit që Apple prezantoi me Apple Vision Pro. Nëse kjo gjuhë e dizajnit përhapet apo jo në pjesë të tjera të iOS 19, mbetet për t’u parë. Vitin e kaluar u sugjerua se iOS 18 do të shfaqte një dizajn të ri të frymëzuar nga visionOS. Kjo përfundimisht nuk u realizua.
Megjithatë ka ende shumë kohë për ndryshime. Jemi ende pesë muaj larg deri sa Apple të shpallë iOS 19, kështu që ka shumë kohë që planet e Apple të ndryshojnë. Është gjithashtu e mundur që ky është një dizajn që Apple po e teston, por nuk do të publikohet në përfundim.
