Grand Theft Auto 6 është ende pothuajse një vit larg daljes në treg, por tashmë ka një ndikim të madh në industrinë e lojrave. Sipas një raportimi të ri, disa studio konkurruese nuk dëshirojnë të caktojnë data të sakta për prezantimin e lojërave të tyre derisa të jenë të sigurt se do të shmangin prezantimin e GTA 6.
Take-Two shkroi në raportin e tij të fitimeve të nëntorit se GTA 6 do të vijë në PlayStation 5 dhe Xbox Series X/S në vjeshtën e vitit 2025. Kjo nuk do të thotë se nuk do të vonohet, natyrisht, veçanërisht pasi të gjitha lojërat kryesore open-world të Rockstar në 20 vitet e fundit janë vonuar të paktën një herë përpara publikimit, duke filluar që nga prezantimi i Grand Theft Auto: San Andreas në 2004.
Është një situatë shqetësuese për krijuesit rivalë të lojërave. Asnjë kompani nuk dëshiron të lëshojë titujt e saj në të njëjtën kohë me atë që pa dyshim do të jetë një nga lojërat më të mëdha dhe më të shitura të të gjitha kohërave. Kompanitë duan të sigurohen që GTA 6 me të vërtetë të prezantohet në vjeshtën e 2025 dhe të mos shtyhet në 2026. Kurdo që GTA 6 të prezantohet, lojërat e tjera do të vonojnë prezantimin e tyre sa më larg nga kjo datë.
Në Golden Joystick Awards të muajit të kaluar, David Manley i Rockstar fitoi çmimin Most Wanted dhe premtoi se disa “gjëra absolutisht befasuese” do të shfaqen në GTA 6.
