Tirana Digital Nomad Festival 2024 dotë rikthehet në datat 18-22 nëntor me edicionin e dytë që do të organizohet në Piramidën e Tiranës, për të promovuar stilin e jetës dhe punës nga distanca.
Gjatë këtyre ditëve të gjithë nomadët dixhitalë do të kenë mundësinë të takojnë, bisedojnë dhe të mësojnë më tepër nga folës të ndryshëm nga e gjithë bota rreth eksperiencave të tyre, dhe Geek Room është krenar të jetë partner mediatik i këtij edicioni mjaft të rëndësishëm.
Organizuar nga Bashkia e Tiranës, festivali i këtij viti do të fokusohet në katër tema kryesore:
- Sipërmarrja
- Ekonomia e Gjelbër
- Teknologjitë Kreative
- Stili i Jetës
Sipërmarrja: Nxitja e inovacionit
Kjo temë do të eksplorojë se si puna në distancë dhe lëvizja dixhitale nomade po nxisin mundësi të reja biznesi. Bisedat që do të zhvillohen në workshops do të përfshijnë tema si strategjitë e startup-eve, menaxhimin e ekipeve në distancë dhe shkallëzimin e bizneseve në epokën dixhitale, duke ofruar njohuri të vlefshme për sipërmarrësit aspirues.
Teknologjitë Kreative: Formimi i së Ardhmes
Kjo temë do të eksplorojë se si teknologjitë në zhvillim si AI, blockchain dhe realiteti virtual po transformojnë punën në distancë. Këtu do të kemi mundësinë të mësojmë më tepër rreth dizajnin dixhital, kodimit për krijuesit dhe si të shfrytëzohet teknologjia në punën e përditshme.
Ekonomia e Gjelbër: Praktikat e Qëndrueshme
Duke u fokusuar në modelet e biznesit miqësor ndaj mjedisit, kjo temë do të nxjerrë në pah praktikat e qëndrueshme për nomadët dhe sipërmarrësit dixhitalë, duke diskutuar më tepër rreth dizajnit rrethor, reduktimit të gjurmëve të karbonit dhe integrimit të qëndrueshmërisë në punën në distancë.
Mënyra e jetesës: Puna, Udhëtimi dhe Mirëqenia
Kjo temë është mjaft e rëndësishme për të gjithë nomadët dixhitalë dhe do të fokusohet në mënyrën se si ata mund të mbajnë një ekuilibër të shëndetshëm punë-jetë. Sesionet do të mbulojnë menaxhimin e kohës, mirëqenien dhe strategjitë për integrimin e kujdesit për veten dhe ndërtimin e komunitetit në një mënyrë jetese nomade.
Të gjithë këto tema dinamike që do të diskutohen Tirana Digital Nomad Festival 2024 do t’ju ndihmojnë për t’u lidhur me individë me të njëjtin mendim dhe për të përjetuar të ardhmen e punës në distancë në një nga qytetet më të gjalla të Evropës.
Mos harroni të na vizitoni në Piramidën e Tiranës në datat 18-22 nëntor për një eksperiencë të paharrueshme.
