Një nga dilemat tona të përditshme është zgjedhja e ushqimit që do të konsumojmë gjatë ditës, falë opsioneve të shumta të zgjedhjes të cilat i përshtaten nevojave të të gjithë njerëzve. Një tjetër faktor i rëndësishëm që ndikon në procesin e përzgjedhjes është dhe shuma që dëshirojmë të shpenzojmë për vaktin tonë.
Duke nisur nga sot, të gjithë studentët që janë pajisur me kartën e studentit do ta kenë shumë më të lehtë të porosisin ushqimin e tyre të preferuar me një çmim akoma dhe më të lirë nëpërmjet Baboon.
Çfarë është Baboon?
Baboon është një ndër platformat më të përdorura për të porositur ushqime të cilat ju vijnë në shtëpinë tuaj nga mbi 800 restorante dhe bizneset kulinarie të ndryshme në qytetin e Tiranës. E gjitha kjo bëhet fare thjeshtë nga smartphone-i juaj, duke u regjistruar në aplikacionin e Baboon ose nëpërmjet website-it të kompanisë.
Nëpërmjet një postimi të bërë në rrjetet sociale sapo kemi mësuar se platforma ka arritur një marrëveshje me Agjencinë e Rinisë të Bashkisë Tiranë për të ofruar ulje për të gjithë personat e pajisur me një kartë studenti.
Drejtoresha e Agjencisë së Rinisë, znj. Enkelejda Hamzaj u shpreh se janë mbi 2500 subjekte, publike dhe private, të cilat ofrojnë shërbime me tarifa të reduktuara tek Karta e Studentit, ndaj paisja me kartë është një mundësi mjaft e mirë për çdo student.
Baboon Delivery ofron per porosi mbi 1000 Lekë – 200 Leke zbritje, porosi nga 1200-1500 Lekë – 300 Lekë zbritje, porosi nga 2000 Leke-3000 Leke – 500 Lekë zbritje.
