Neuralink thotë se Food and Drug Administration ka përcaktuar implantin e saj eksperimental Blindsight si një “pajisje e avancuar“. Kompania po zhvillon teknologjinë në një përpjekje për të rikthyer shikimin tek pacientët e verbër.
Prodhuesve që aplikojnë në programin e “breakthrough device” të FDA-së dhe marrin miratimin nga agjencia u jepet “një mundësi për të bashkëvepruar me ekspertët e FDA-së përmes disa opsioneve të ndryshme të programit për të adresuar në mënyrë efikase temat që lindin gjatë fazës së rishikimit para daljes në treg“.
FDA gjithashtu i jep përparësi pajisjeve të reja për rishikim. Në fund të fundit, një listim i tillë mund të përshpejtojë zhvillimin e një teknologjie. Vitin e kaluar, FDA listoi në këtë kategori 145 pajisjeve mjekësore.
Blindsight është i ndarë nga Telepathy, implanti i saj që u mundëson pacientëve me lëndime të shtyllës kurrizore të kontrollojnë kompjuterët duke përdorur mendimet e tyre, duke i lejuar ata të luajnë lojëra video dhe të dizajnojnë objekte 3D. Pronari dhe themeluesi i Neuralink, Elon Musk tha në gusht se kompania kishte implantuar çipin në një pacient të dytë njerëzor.
Musk pohoi në mars se Blindsight “po punon me sukses tashmë te majmunët”. Rezolucioni do të jetë i ulët në fillim, si grafikat e hershme Nintendo, por në fund mund të tejkalojë vizionin normal njerëzor.
Blindsight “do t’u mundësojë edhe atyre që kanë humbur të dy sytë dhe nervin e tyre optik të shohin“, tha Musk pas përcaktimit të FDA. “Me kusht që korteksi vizual të jetë i paprekur, madje do t’u mundësojë atyre që kanë qenë të verbër që nga lindja të shohin për herë të parë.”
Ai shtoi se ndërsa rezolucioni i Blindsight është i ulët në fillim, “përfundimisht ai ka potencialin [të jetë] më i mirë se vizioni natyror dhe t’ju mundësojë të shihni në gjatësi vale infra të kuqe, ultravjollcë apo edhe radar“. Këto janë pretendime të larta dhe Neuralink është disi larg nga të qenit në gjendje t’i kthejë plotësisht shikimin dikujt që e ka humbur atë, nëse ndonjëherë është në gjendje ta bëjë këtë.
