Një gjykatë në Dubai urdhëroi një kompani që të kompensojë një punëtor përmes një tokeni të kriptomonedhës, siç përcaktohej në kontratën e punës. Ky precedent ligjor ngre disa pikëpyetje edhe duket sikur i jep njëfarë legjitimimi kriptove në rajon.
Megjithatë vendimi nuk do të thotë domosdoshmërisht se kripto është legalizuar për pagesat e rrogave në përgjithësi, treguan dy avokatë në Dubai.
“Aktvendimi thjesht njeh një Aset Virtual specifik (EcoWatt Tokens) si një pjesë ligjore të vlefshme të paketës së kompensimit të një punonjësi specifik, duke nënkuptuar indirekt se paketat e kompensimit të punonjësve mund të përfshijnë Asete Virtuale,” tha Ankita Dhawan, një bashkëpunëtore e lartë në Institutin Métis. “Vendimi nuk sqaron se cilat Asete Virtuale. A do të kërkohet një miratim nga Autoriteti Rregullator i Aseteve Virtuale të Dubait?“
Urdhri i gjykatës së shkallës së parë të Dubait mban datën 17 korrik. Sipas ligjeve të punës në Dubai ka një periudhë apelimi 15-ditore. Duke pasur parasysh natyrën private të procedurave ligjore në Dubai, as emri i paditësit dhe as kompania nuk u zbuluan dhe nuk është e qartë nëse është paraqitur një apel.
Ankuesi pretendoi se kompania e kishte ndërprerë dhënien e rrogës pa arsye për pesë muaj para se ta ndërpresë kontratën. Gjykata urdhëroi punëdhënësin të paguante 62,867 dirhemë ($17,116) dhe 39,200 të kriptomonedhës ecowatt (EWT), si detyrime të papaguara.
Vendimi i gjykatës “mbështet pagesën e pagave në kriptovaluta, me kusht që të dyja palët të bien dakord për këtë marrëveshje në kontratën e punës“, tha Navandeep Matta, një bashkëpunëtor i lartë në Konsulentët Ligjorë Kochhar & Co. Kjo mund të nënkuptojë se ka mundësi që sektorë të tjerë të fillojnë të ofrojnë paga me Asetet Virtuale si një komponent, tha Dhaëan.
Megjithatë, avokatët thanë se vendimi mund të jetë specifik për këtë rast dhe kriptomonedhë, duke shkaktuar më shumë pyetje. Matta tha se “Për momentin, zbatimi i këtyre rregulloreve është i kufizuar në Emiratin e Dubait” dhe jo në gjashtë emiratet e tjera të Emirateve të Bashkuara Arabe.
