Samsung sapo ka prezantuar dy pajisjet e reja të palosshme Galaxy Z Fold6 dhe Z Flip 6 gjatë eventit të organizuar në Louvre, Paris, ku Geek Room ishte i pranishëm për të mbajur të informuar ndjekësit drejtpërdrejt me inovacionet më të rëndësishme nga Samsung.
Kompania ka punuar shumë për të perfeksionuar formën e jashtme të këtyre dy pajisjeve, duke krijuar kështu serinë më të hollë dhe të lehtë Galaxy Z deri më sot. Galaxy Z Fold6 peshon 239 gram ndërsa Z Flip6 vetëm 187 gram. Mentesha e dyfishtë ofron akoma më tepër mbështetje dhe siguri, duke shpërndarë më mirë goditjet dhe duke qenë më rezistent se më parë.
Përveç rezistencës nga goditjet e jashtme, këto dy pajisje janë projektuar për t’i mbijetuar kohës përmes procesorit të fuqishëm Snapdragon 8 Gen 3 të Galaxy, duke ofruar eksperiencën më të mirë të përdorimit të smartphone-ve falë kombinimit me CPU dhe GPU më të mirë në klasë.
Lajmi më i mirë: Samsung do të përditësojë sistemin operativ të këtyre pajisjeve për 7 gjenerata dhe do të ofrojë përditësime sigurie për 7 vite.
Galaxy Z Fold6
Përveç ndryshimeve të vogla nga pamja e jashtme, Galaxy Z Fold6 ka marrë një përditësim të rëndësishëm falë mjeteve të fuqizuara nga AI, të cilat do të rrisin produktivitetin e ekranit të madh të pajisjes.
Note Assist në Samsung Notes ofron përkthim, përmbledhje dhe formatim automatik për shënime të thjeshta takimesh. Gjithashtu ju mund të bëni transkriptimin, përkthimin dhe përmbledhjen e regjistrimeve zanore në Notes.
Një Composer i sapo shtuar nga tastiera Samsung gjeneron tekst të sugjeruar bazuar në fjalë kyçe të thjeshta për email dhe media sociale. Google Gemini është i integruar plotësisht në serinë e re Galaxy Z, duke ju dhënë fuqinë e inteligjencës artificiale thjesht me përmendjen e “OK Google”. Të pranishme janë gjithashtu të gjitha veçoritë e Galaxy AI të prezantuara pak muaj më parë.
Ekrani i jashtëm do të vijë me një madhësi 6.3” dhe refresh rate 120Hz të përshtatshme nga 1-120Hz, ndërkohë që ekrani i brendshëm do të ketë madhësi 7.6” dhe paneli do të jetë Dynamic AMOLED 2X mendriçimi maksimal deri në 2,600 nits.
Për editimin e fotografive do të jenë të pranishëm dhe Photo Assist apo Portrait Studio për të krijuar një larmi stilesh të ndryshme portretesh si film vizatimor 3D ose pikturuar me bojëra uji.
Për sa i përket kamerave, të pranishme do të jenë ajo selfie në ekranin e jashtëm 10MP, ajo e fshehur nën ekran, si dhe sistemi i trefishtë i kamerave në pjesën e pasme: ultra wide 12MP, kryesore 50MP dhe telephoto 10MP. Bateria do të vijë me një kapacitet 4,400mAh.
Kjo pajise do të vijë në ngjyrat: Hije Argjendi, Rozë dhe Blu e errët. Porositë do të nisin nga sot, ndërsa në dyqane do të jenë të disponueshme nga data 24 korrik me çmimin fillestar prej 197,999 Lekë.
Galaxy Z Flip6
Z Flip6 është një produkt që është shumë i thjeshtë për t’u marrë me vete, falë palosjes së saj vertikale, dhe shumë praktik në përdorim, madje dhe pa e shpalosur atë.
Ekrani i jashtëm Super AMOLED FLexWindow 3,4” është përmirësuar sërisht, dhe kësaj here vjen me aftësitë e inteligjencës artificiale për të lehtësuar kryerjen e detyrave. Ekrani kryesor vjen me madhësinë 6.7” dhe me refresh rate 120Hz të përshtatshme nga 1-120Hz. Përmes përgjigjeve të sugjeruara ju do të mund të shkëmbeni mesazhe pa e hapura fare smartphone-in tuaj. AI do të ndihmojë gjithashtu në njoftimet e Samsung Health, këngëve që po luani apo miniaplikacioneve që shfaqen në ekranin e jashtëm për një eksperiencë sa më të mirë të navigimit.
Gjithashtu nëpërmjet Photo Ambient sfondi do të ndryshojë në kohë reale bazuar në kohën dhe motin në qytetin tuaj.
Kreativiteti vazhdon të shtohet përmes kamerës në ekranin e jashtëm. Me Auto Zoom-in e ri, FlexCam gjen automatikisht kuadrin më të mirë për fotografinë tuaj duke zbuluar subjektin dhe duke zmadhuar përpara se të bëni çdo rregullim të nevojshëm.
Sensorët e rinj kryesor dhe ultra wide 50 dhe 12 MP ofrojnë një cilësi akoma më të mirë të fotografive dhe një përvojë të përmirësuar të fotografimit. Nightoghrapy është përmirësuar tashmë dhe me videot HDR, për video sa më të ndriçuara dhe në ambiente me pak dritë.
Për sa i përket baterisë, ju nuk duhet të shqetësoheni, pasi Z Flip 6 ofron përdorim për gjatë gjithë ditës nëpërmjet baterisë me kapacitet 4,000mAh.
Z Flip6 do të vijë në ngjyrat: Hije argjendi, E verdhë,Blu,Mente me porositë do të nisin nga sot, ndërsa në dyqane do të jenë të disponueshme nga data 24 korrik me çmimin fillestar prej 119,999 Lekë.
