Vjena është qyteti më i mirë në botë për të jetuar

Çdo vit, Economist Intelligence Unit (EIU) vlerëson qytetet në mbarë botën, duke zbuluar gjetjet e tyre në indeksin global të jetesës për vitin 2024.

Për të tretin vit radhazi, Vjena, Austri, është kurorëzuar qyteti më i mirë në botë për të jetuar. Me rezultate të përsosura në stabilitet, kujdes shëndetësor dhe arsim, Vjena lavdërohet për përzierjen e saj të pashembullt të gjallërisë kulturore dhe shërbimeve publike të nivelit të lartë.

Ndërkohë, sipas raportit, Karaçi i Pakistanit dhe kryeqyteti i Bangladeshit, Dhaka, janë ndër qytetet më pak të jetueshme në botë, pasi ato janë në 10-shen e fundit të listës. Indeksi rendit jetueshmërinë e 173 qyteteve në pesë kategori kryesore, duke përfshirë stabilitetin, kujdesin shëndetësor, kulturën dhe mjedisin, arsimin dhe infrastrukturën.

Sondazhi i këtij viti zbuloi një rritje të rezultateve mesatare, falë përmirësimeve në kujdesin shëndetësor dhe arsimin në vendet në zhvillim. Megjithatë, ky progres u balancua kryesisht nga rënia e rezultateve për disa qytete të nivelit të lartë. Katër qytete në rajonin e Azisë-Paqësorit – Melburni dhe Sidnei në Australi, Osaka në Japoni dhe Auckland në Zelandën e Re – janë futur në dhjetë qytetet më të jetueshme të këtij viti në botë.

Qytetet në Lindjen e Mesme dhe Afrikën e Veriut paraqesin një pamje të larmishme. Konflikti midis Izraelit dhe Hamasit bëri që Tel Aviv të bjerë me 20 vende në vendin e 112-të. Ndërsa rezultatet e stabilitetit rajonal pësuan për shkak të konfliktit, përmirësimet e rëndësishme në arsim dhe kujdes shëndetësor në shumë vende të Gulf Cooperation Council (GCC) kanë rritur jetëgjatësinë e përgjithshme.

Le të shikojmë listën me 10 vendet më të mira për të jetuar në botë:

1. Vjena, Austri
2. Kopenhagë, Danimarkë
3. Zyrih, Zvicër
4. Melburn, Australi
5. Kalgari, Kanada
6. Gjenevë, Zvicër
7. Sidnej, Australi
8. Vankuver, Kanada
9. Osaka, Japoni
10. Auckland, Zelanda e Re

Ndërsa kjo më poshtë është lista me 10 vendet që gjenden në fund të kësaj liste:

1. Carcas, Venezuelë
2. Kiev, Ukrainë
3. Port Moresby, Papua Guinea e Re
4. Harare, Zimbabve
5. Dhaka, Bangladesh
6. Karachi, Pakistan
7. Lagos, Nigeri
8. Algiers, Algjeri
9. Tripoli, Libi
10. Damask, Siri