IKEA po kërkon të punësojë 10 persona një dyqanin e tij virtual brenda platformës popullore të lojrave Roblox. Gjigandi suedez i arredimit po lançon një lojë të quajtur The Co-Worker – dhe 10 persona në fakt do të paguhen për të luajtur, tha kompania.
Ata do të paguhen njësoj si punonjësit e IKEA në Londër, të cilët marrin13,15 £ – afërsisht 1,600 lekë në orë – për të shërbyer versionet virtuale të qofteve të famshme të shitësit me pakicë brenda lojës ose për të ridizenjuar dyshemetë e salloneve të saj.
Kjo është hera e parë që IKEA përfshihet në sektorin e video-lojërave. Dhe Darren Taylor – menaxher i vendit, njerëzve dhe kulturës për IKEA në MB dhe Irlandë – tha se loja është një reklamë për mundësitë e karrierës në IKEA.
“Kolegët tanë janë në gjendje të ndërrojnë rolet, të ndryshojnë departamente dhe të rriten në çdo drejtim që ata zgjedhin,” tha Taylor në një deklaratë. Me sa duket, kjo përfshin lojërat. Loja është e hapur për të gjithë, dhe ju mund të aplikoni për pozicionet me pagesë këtu.
Aplikantët do të duhet ta bëjnë atë përmes intervistave virtuale përpara se të zgjidhet stafi. Për t’u kualifikuar për pagesë, lojtarët duhet të jenë mbi moshën 18 vjeç dhe të banojnë në Mbretërinë e Bashkuar ose Irlandë. Por na vjen keq për punëtorët aktualë të IKEA: punonjësit në dyqanet fizike të IKEA-s nuk mund të aplikojnë.
