Superjahti i parë në botë i fuqizuar nga hidrogjeni, që përflitet prej kohësh se ishte porositur nga miliarderi, themeluesi i Microsoft, Bill Gates, tashmë është zyrtarisht në shitje.
I quajtur Project 821, superjahti 119 metra i gjatë është projektuar për të funksionuar me hidrogjen ‘të gjelbër’, i cili prodhohet nga ndarja e ujit në hidrogjen dhe oksigjen duke përdorur energjinë elektrike të rinovueshme. Anija luksoze përmban 14 ballkone, shtatë platforma të palosshme, një pishinë, një xhakuzi, një sauna, dy dhoma gjumi, dy tualete, një palestër, qilar dhe dy zyra secila me oxhak për t’u ndjerë sikur jeni në shtëpi – krijuesit e krijuar për të imituar një apartament luksoz.
Ndërtuesi holandez i anijeve Feadship tha se me lançimin e këtij superjahti prej rreth $646 milionë më 4 maj në kantierin e tyre të Amsterdamit bota e jahteve ‘ka ndryshuar përgjithmonë’.
Superjahti miqësor ndaj mjedisit ka marrë më shumë se pesë vjet për t’u ndërtuar nga projektimi deri në përfundim, me shtesat me porosi për blerësin përfundimtar që ende nuk janë bërë. Ndërsa një varg lajmesh në vitin 2020 zbuluan se firma Feadship dhe ajo e projektimit Sinot Yacht Architecture & Design kishin punuar me miliarderin për të ndërtuar këtë jaht me energji hidrogjeni, detajet që verifikonin marrëveshjen e Gates mbetën të dyshimta.
“Dhe pse Sinot e ka mohuar se Gates po ndërton konceptin, kuptohet që Gates është në bisedime për të ndërtuar një superjaht të ri me një kompani të panjohur“. BOAT International, publikoi një deklaratë nga Sinot duke mohuar çdo marrëveshje zyrtare me Gates për projektin e anijeve luksoze. Feadship, megjithatë, refuzoi të komentojë plotësisht, duke i thënë MegaYacht News se “nuk komenton mbi porositësit“.
