Shpesh herë ndaj sistemeve gjeneruese të inteligjencës artificiale ka patur ankesa për sa i përket preferencave të ndryshme, dhe kësaj here persona të ndryshëm po e akuzojnë chatbot-in se është seksist.
Për të testuar teorinë e tyre, këta persona i kërkuan chatbot-it të gjeneronte imazhe të personave të ndryshëm në pozicione të larta drejtuese, dhe nga 100 testime ChatGPT shfaqi imazhin e një burri 99 herë.
Studimi nga Finder zbuloi se gjithashtu se inteligjenca artificiale zgjidhte një person të bardhë çdo herë – pavarësisht se nuk specifikonte një rracë. Rezultatet nuk pasqyrojnë realitetin. Një në tre biznese globalisht janë në pronësi të grave, ndërsa 42% e anëtarëve të bordit të FTSE 100 në Mbretërinë e Bashkuar ishin gra. Udhëheqësit e biznesit kanë paralajmëruar se modelet e AI vijnë “plot me paragjykime’ dhe kanë bërë thirrje për masa mbrojtëse më të ashpra për të siguruar që ato të mos pasqyrojnë paragjykimet e vetë shoqërisë.
Masat duhet të merren pasi inteligjenca artificiale po perdoret gjithnjë e më tepër në përditshmërinë tonë. Tani vlerësohet se 70% e kompanive po përdorin sisteme të automatizuara të gjurmimit të aplikantëve për të gjetur dhe punësuar talentë. Janë ngritur shqetësime se nëse këto sisteme trajnohen në mënyra të ngjashme me ChatGPT, gratë mund të jenë më pak të preferuara në tregun e punës.
OpenAI, pronari i ChatGPT, nuk është gjigandi i parë i teknologjisë që u kritikua për rezultatet që duket se përjetësojnë stereotipet e modës së vjetër. Këtë muaj, Meta u akuzua për krijimin e një gjeneruesi imazhi ‘racist’ të inteligjencës artificiale kur përdoruesit zbuluan se nuk ishte në gjendje të imagjinonin një burrë aziatik me një grua të bardhë. Ndërkohë Google u detyrua të ndalonte mjetin e tij të inteligjencës artificiale Gemini pasi chatbot-i refuzoi gjenerimin e imazheve të njerëzve të bardhë.
