Pronarët e Galaxy S24 Ultra do të marrin disa përmirësime të rëndësishme të kamerës falë përditësimit më të fundit të firmware-it të Samsung.
Sipas forumit të mbështetjes së komunitetit në Korenë e Jugut të Samsung, përditësimi përfshin optimizime të kamerës si për cilësinë e imazhit ashtu edhe për përdorshmërinë, së bashku me stabilitetin e përmirësuar të softuerit. Shkarkimi kërkon rreth 800 MB deri në 1 GB hapësirë, në varësi të rajonit, dhe vjen së bashku me përditësimin e sigurisë të Google të 1 prillit 2024 – që do të thotë se telefonat inteligjentë kryesorë të Samsung po e marrin atë përpara pajisjeve Pixel të Google.
Përveç stabilitetit të përmirësuar për funksionet ekzistuese, Samsung premton përmirësimet e mëposhtme të kamerës (përkthyer nga gjuha koreane):
- Ngjyrat e ambientit gjatë natës janë përmirësuar.
- Konturet në ambiente me pak dritë dhe shprehja e ngjyrave të aplikacionit Expert RAW janë përmirësuar.
- Qartësi e përmirësuar e tekstit kur përdorni shkallën e zmadhimit në modalitetin e fotografisë.
- Rezolucioni 480×480 është shtuar për të mbështetur sloë motion të menjëhershëm në videot me përmasa më të vogla.
Është e rëndësishme të theksohet se ka dhe disa përmirësime në modalitetin low light që mbështeten në aplikacionin Expert RAW të Samsung, i cili duhet të përditësohet ose shkarkohet veçmas. Përditësimi Expert RAW duhet të jetë i disponueshëm së shpejti për ata që kanë instaluar përditësimin e sistemit. Samsung shpjegon në një koment të forumit se përmirësimet e reja të Expert RAW mbështeten në përditësimet që gjenden në update-in e software-it, kështu që do t’ju duhet t’i instaloni të dyja për të përfituar nga çdo përmirësim në cilësinë e imazhit.
Këto përmirësime konfirmojnë raportimet më të hershme nga Ice Universe, i cili së pari la të kuptohet për përditësimet e kamerës në fillim të javës së kaluar.
